реклама
реклама
реклама


Дорога


Наталля Тур,

У каго ёсць транспартны сродак, той ведае, што тэхагляд для аўтамабіля – гэта як медагляд да чалавека. Калі не падрыхтавацца загадзя, на праходжанне такіх працэдур можна страціць не адзін дзень.

Пагаварыць пра тэхагляд з намі пагадзіўся інжынер па допуску транспартных сродкаў да дарожнага руху Сяргей Сальнікаў.

1. Колькі каштуе прайсці тэхагляд?

Тэхагляд бензінавых аўтамабіляў абыдзецца ў 115 тысяч рублёў, дызельных − 120 тысяч, матацыклаў − 60 тысяч.

2. З якімі заўважнымі пашкоджаннямі аўтамабіль не пройдзе тэхаглад?

Такіх пашкоджанняў шмат. Іх можна паглядзець у правілах дарожнага руху. Для прыкладу, не пройдзе тэхагляд аўтамабіль, у якім разбітыя фары ці лабавое шкло. Не лішнім будзе, калі вы перад тым, як прыехаць да нас, прагледзіце сайт Белдзяржтэхагляду, там можна знайсці  шмат карыснай інфармацыі.

3. Ці пройдзе тэхагляд машына, якая ўпрыгожаная малюнкамі, аэраграфіяй?

Калі на гэта ёсць дазвол у ДАІ, тэхагляд не будзе прад’яўляць ніякіх прэтэнзій.

4. Ці трэба плаціць за тэхагляд яшчэ раз, калі з першага разу яго не пройдзеш?

Калі недахопы выяўленыя нашымі супрацоўнікамі, за іх плаціць не трэба. Напрыклад, у вас можа быць пратэрмінаваная медыцынская даведка ці пасведчанне кіроўцы. Вы проста даводзіце іх да ладу, і мы яшчэ раз запрашаем вас на тэхагляд.

Калі ж пашкоджанні выявяць на дыягнастычнай станцыі, то вам трэба будзе заплаціць паўторна толькі за тое, у чым быў выяўлены недахоп. Па грашах даплата будзе каштаваць ад 20 да 40 тысяч рублёў, у залежнасці ад таго, які недахоп  канкрэтна трэба ліквідаваць. І нагадаю ўсім, што паўторны тэхагляд неабходна прайсці на працягу  20 дзён пасля першага тэхагляду.

5. Скажыце, а чэргі на праходжанне тэхагляду вялікія? Як кіроўцам планаваць свой дзень, калі яны вырашылі прайсці тэхагляд?

Для зручнасці і камфорту кіроўцаў мы вядзём папярэдні запіс на праходжанне тэхагляду. Вы самі можаце спланаваць, калі вам зручней прыехаць, каб прайсці тэхагляд без спешкі і нерваў.

6. Што за новыя правілы тэхагляду ўводзяцца ад 1 лістапада? Як яны закрануць кіроўцаў?

Ніяк. Новыя патрабаванні прад’яўляюцца да экалагічных параметраў рухавікоў транспартных сродкаў, гэта пакуль усё, што я ведаю. Пакуль мы не атрымлівалі новых нормаў правядзення тэхагляду. Калі яны з’явяцца, абавязкова раскажам пра іх.

Дзе можна прайсці тэхагляд?

Маладзечна:

В. Гасцінец, 1-а, тэлефон: 8(0176) 77 18 77
вул. Велікасельская, 38, тэлефон: 8(0176) 73 26 31
вул. Афіцэрская, 18-б, тэлефон: 8(0176) 77 81 66
вул. Гарадоцкая, 100-б, тэлефон: 8(0176) 70 44 70

Валожын:

вул. Транспартная, 2, тэлефон: 8(0177) 25 66 33

Вілейка:

вул. Чырвонаармейская, 105-а, тэлефон: 8(01771) 5-14-95

Мядзел:

вул. Інтэрнацыянальная, 11, тэлефон: 8(01797) 5-55-92

Смаргонь:

вул. Чыгуначная, 32, тэлефон: 8(01592) 3-43-68

Астравец:

вул. Валадарскага, 28, тэлефон: 8(01591) 2-31-64

Ашмяны:

вёска Будзёнаўка Ашмянскага раёна, тэлефон: 8(01593) 3-07-50 

Комментарии с форума