• Дорога
  • Тест-драйвы
  • Видео
  • Эксклюзив
  • Автобизнес
  • Происшествия
  • Офтоп
  • Архив новостей
    ПНВТСРЧТПТСБВС


/

11 чэрвеня беларускі музыкант Зміцер Вайцюшкевіч прэзентаваў у Галерэі TUT.BY свой новы альбом "Наша песня". За некалькі гадзін да мерапрыемства мы сустрэліся з выканаўцам у салоне яго Toyota Aygo і пагаварылі не толькі пра песні. Суразмоўца расказаў, колькі мог бы зарабляць, каб не быў у чорных спісах, а таксама па якой прычыне ён ужо не будзе спяваць на прэзідэнтскіх выбарах.

Фото: Станислав Шаршуков, AUTO.TUT.BY

"Гнаў машыну з Берліна сам - як нармальны пацан"

Зміцер жыве ў Астрашыцкім гарадку і расказвае, што яго ранейшы Subaru Forester быў не надта эканамічным варыянатам для частых паездак у Мінск. Таму ў 2013 годзе Вайцюшкевіч вырашыў набыць аўто з малым расходам. Кажа, што ніякіх канкрэтных варыянтаў не разглядаў.

- Я проста паехаў у Берлін на нейкі кангрэс, і спытаўся там у знаемых беларусаў, дзе можна купіць машыну. Яны залезлі ў інтэрнэт і тыркнулі пальцам: "Будзеш гэту браць?". Я згадзіўся, і мы паехалі з агентам за горад да дзеда і бабы, якія прадавалі гэту Toyota Aygo 2009 года, бо замовілі сабе нейкі новы Volkswagen. Аўто мяне задаволіла па усiх параметрах, тым больш тая нямецкая бабулька наездзіла ўсяго 16 тысяч.

Toyota Aygo з аб'ёмам крыху меней літра і аўтаматам абыйшлася з растаможкай прыкладна ў 10 тысяч долараў.
Toyota Aygo з аб'ёмам крыху меней літра і аўтаматам абыйшлася з растаможкай прыкладна ў 10 тыс. долараў.

Суразмоўца кажа, што гнаў машыну з Берліна сам - "як нармальны пацан, як перегон". С таго часу артыст дабавіў на адометр Aygo яшчэ 74 тысячы кіламетраў, а памяняў толькі тармазныя калодкі месяц таму.

- Ну і таксама гуму толькі зараз памянялі на летнюю. Я ўвесь час праездзіў на зімовай, і дагэтуль не ведаю розніцы. Ды й колькі там таго беларускага лета.

Траты на бензін у Зміцера таксама зусім малыя. Матор аб'ёмам 998 куб.см. патрабуе 4 літры па трасе і 6 па горадзе.
Траты на бензін у Зміцера таксама зусім малыя. Матор аб'ёмам 998 куб.см. патрабуе 4 літры па трасе і 6 па горадзе.


"Мой музыкант называе Aygo капсулай смерці, але я так не лічу"

На магчымы шум ад зімовай гумы летам Зміцер таксама не звяртаў асаблівай увагі.

- Мне гэта было абсалютна не важна. Кандыцыянера няма, вакно адчыніў - вось табе і шуміць. Ды й я ж глухаваты, як Бетховен.

Панэль Aygo выканана даволі добра для машыны такога класа: пластык мяккі, а элементы добра падагнаны.
Панэль Aygo выканана даволі добра для машыны такога класа: пластык мяккі, а элементы добра падагнаныя.

У машыне Зміцера няма не толькі кандыцыянера, але і шмат якіх іншых опцый. Ёсць толькі падушкі бяспекі ды электрашклопад'ёмнікі, але ён не перажывае. Кажа, што не хапае толькі круіз-кантроля для паездак на свой хутар на Неман ці ў Варшаву.

- І хоць адзін мой музыкант і кажа, што Aygo - гэта капсула смерці, я ніякага дыскамфорту не адчуваю. За 600 кіламетраў да Варшавы я стамляюсь прыкладна так жа, як і на Subaru.

У невяликі багажнік нейкім чынам улазіць гітара, а калі скласці заднія сядзеніі - можна і з IKEA нешта прывезці, адзначае Зміцер.
У невяликі багажнік нейкім чынам улазіць гітара, а калі скласці заднія сядзеніі - можна і з IKEA нешта прывезці, адзначае Зміцер.

Але ад язды на гэтай Toyota па гравейцы у артыста крыху іншыя ўражанні. Кажа, што адчуванне такое, "быццам камяні б'юць табе ў дупу".

- Але я не лічу гэта мінусам, бо чалавек да ўсяго можа прызвычаіцца. Больш за тое, як кажуць украінцы: вочы бачылі, што бралі.

"Даішнікі ўбачылі на машыне "Пагоню" і загаварылі па-беларуску"

Зміцер узяў не самую хуткасную машыну. Максімум на спідометры - 170, а Вайцюшкевіч разганяў яе да 150, хоць і не фанат хуткасці.

- Адзінае папярэджанне за хуткасць было запісана ў мой талон у 2010 годзе. Яшчэ аднойчы спынілі мяне ў Астрашыцкім гарадку за размову па тэлефоне, але я ім кажу: "Отпустите меня, товарищи милиционеры, я же тут живу, еду на пресс-конференцию - только выпустил альбом шансона". У выніку адпусцілі.

Фото: Станислав Шаршуков, AUTO.TUT.BY

Артыст размаўляе з даішнікамі па-руску, за выключэннем слова "дзякуй", але абяцае выправіцца. Больш за тое, супрацоўнікі Дзяржаўтаінспекцыі часам самі праяўляюць моўную ініцыятыву.

- Апошні раз спынілі маю жонку, убачылі "Пагоню" на машыне, і загаварылі па-беларуску. Са мной таксама былі такіе выпадкі, і ніхто яшчэ ніколі не прасіў зняць гэту налепку.

Фото: Станислав Шаршуков, AUTO.TUT.BY

"Дзіўна бачыць "Спасибо деду за Победу" на нямецкіх Mercedes GL"

І калі адносіны з даішнікамі ў сям' Вайцюшкевіча добрыя, то з іншымі кіроўцамі не ўсё так гладка. Зміцер параўноўвае нашу культуру кіравання са Скандынавіяй і расказвае пра недахопы.

- Я праехаў 4 тысячы кіламетраў па Скандынавіі і магу сказаць, што там ніхто не маргае табе ззаду, каб ты прапусціў яго. А у нас толькі выездеш за Лагойскі тракт, усе пачынаюць вырывацца, маргаць, і не заўседы ведаеш, як сябе ў той момант паводзіць. Прычым такіх вельмі шмат на задрыпаных старэнькіх "Лагунах".

Скандынавы ж ездзяць спакойна, бо прайшлі ўсе этапы аўтамабільнага развіцця, адзначае суразмоўца. Негледзячы на ўсё, Беларусь таксама ўпэўнена набліжаецца да еўрапейскай аўтамабільнай культуры.

- Беларусы з кожным годам ездзяць спакайней, ды й дарогі на Магілеў і Бабруйск - ужо цалкам еўрапейскага ўзроўня. У гэтым плане мы добра адрозніаемся ад суседзяў на ўсходзе і поўначы. Хаця добрых дарог я не бачыў і ў Латвіі.

Фото: Станислав Шаршуков, AUTO.TUT.BY

Таксама, па назіранням артыста, ў Беларусі ў лепшы бок змяніўся аўтапарк, але ў апошні час машыны сталі ідэалагічным адлюстраваннем уладальніка.

- З'явілася вельмі шмат гэтага "Спасибо деду за Победу", "Можем повторить" на нямецкіх ML ці GL, што крыху дзіўна. Каб на ГАЗоне цюнiнгаваным ўсе гэта зрабілі - другая справа. Таксама год назад у мяне былі канцэрты ў Магілёве і Гомелі, дзе я быў вельмі шакаваны колькасцю расійскіх сцяжкоў і георгіеўскіх стужак на машынах. Узнікла такое адчуваннее, што ў людзей адсутнічае самаідэнтыфікація. Хай бы была хоць чырвона-зялёная, але беларуская.

Зміцер кажа, што ён быў бы не супраць, каб у машынах беларусаў побач было два сцяжка: бел-чырвона-белы і чырвона-зялёны.

- Я лічу, што ў сучаснай сітуацыі павінен быць дыялог паміж беларусамі.

"Калі б не чорныя спісы, я б у год зарабляў на 30 тысяч болей"

На сенняшні дзень Вайцюшкевіч не плануе мяняць машыну, а хоча толькі прадаць сваю Subaru Forester. Кажа, аддасць амаль дарам.

- Гэта ж практычна машына Элвіса Прэслі! Праз 20 гадоў пасля маёй смерці яна будзе каштаваць шалёных грошай. Нават праз пяць гадоў.

Яшчэ ў сям'і Змітра есць Renault Duster, на якім ездзiць жонка. А ён хацеў бы сабе не французскі красовер, а Mercesdes ML, GL ці Lexus, паколькі, гэта б падышло і для статуса, і для паездак на Неман.

- Але на гэта не надта хапае грошай, бо ўсе амаль свае заробкі ад канцэртнай дзейнасці я ўкладываю ў сваю аграсядзібу Вайцюшкі. Усё не ў банк, а ў бетон.

Артыст кажа, што ў яго б было значна болей грошай, каб не чорныя спісы музыкаў, у якія ён то ўваходзіць, то выходзіць.

- Я магу сказаць, каб не гэтыя спісы, то ў год мог бы зарабляць канцэртамі на тысяч 20-30 болей. Нават калі Саладуха - эксперт па зараблянні афіцыйных грашэй, кажа, што зарабіў мільярд, то для топавага беларускага артыста гэта рэальна.

Сёння ў магнітоле Зміцера - амерыканская джазавая спявачка Нора Джонс.
Сёння ў магнітоле Зміцера - амерыканская джазавая спявачка Нора Джонс.


"З чорнымі спісамі жыць цяжка, але ж не Сібір, і дзякуй Богу"

Артыст у Беларусі можа зарабляць неблагія грошы, калі гэтаму не перешкаджае дзяржава. Вайцюшкевiч кажа, што наша краіна - зусім не малая, на што часцяком спасылаюцца некаторыя артысты.

- Пакуль некаторыя "калбасілі" па карпаратывах, што не патрабуе шмат працы, Саладуха ездзіў з жывымі канцэртамі па Тырлаўкам і акучваў гэтыя Тырлаўкі. Ён граў там, дзе канцэрты не граў ніхто пасля развалу Саюза. І ён знайшоў там сваю публіку.

Сваю публіку у краіне мае і Вайцюшкевіч, але кажа, што нават не можа презентаваць новы альбом у сталічным клубе. Два выступы артыста ў гэтым годзе ўжо былі сарваныя, пагэтаму новую працу на вершы беларускіх паэтаў "Наша песня" ён вырашыў прэзентаваць у Вільні. Зміцер адзначае, што ён і сення ў так званым чорным спісе.

- З гэтым цяжка жыць, але да гэтага можна прызвычаіцца. Як сказаў Зміцер Дашкевіч: не Сібір - і дзякуй Богу. А ў Вільні, я лічу, раз на год павінен выступаць любы беларускі артыст: будзь то Вольскі ці Саладуха.

Але самае важнае - гэта канцэрты на Радзіме. Змiцер прыводзіць прыклад "Песняроў", якія найбольш цанілі свае выступы ў мінскай філармоніі.

- Вельмі важна, каб людзі бачылі, як расце свой артыст, што ён новага прыдумляе.

У багажніку Вайцюшкевіча ляжаць каробкі для перавыданых "Калыханак" - сумеснага праекта артыста з Unisef.
У багажніку Вайцюшкевіча ляжаць каробкі для перавыданых "Калыханак" - сумеснага праекта артыста з Unisef.

Аднак на беларускай пляцоўцы Вайцюшкевіч не змог прэзентаваць суайчыннікам і свой былы праект - зборнік шансона. Ён лічыць, што людзям было б цікава гэта паслухаць нават у маленькіх гарадах і мястэчках.

- А пакуль мы спажываем культуру з усходу і захаду. Мы цікавімся, што там адбываецца ў Колі Баскава і Робі Уільямса, але не хочам успрымаць сваё. Да, я ўжо бачу гэтыя каментары на TUT.BY: "Вы напишите что-нибудь нормальное, и мы будем ценить ваше белорусское".

Але, па словах Зміцера, для росквіту беларускай музыкі павінны быць умовы з боку дзяржавы. А яшчэ дзяржава ў гэты неспакойны час павінна сфармаваць нацыянальную ідэю.

- Прыйшоў час вызначыцца - хто мы, якое месца займаем паміж усімі суседнімі народамі? І рана ці позна гэта прыдзецца рабіць ці гэтай, ці іншай уладзе. У іншым выпадку прыдзецца стаць часткай безнадзейнай турмы.

"У мяне ўжо няма сілаў тупа ляцець на амбразуру"

Пра нацыянальную ідэю, напэўна, прыдзецца думаць менавіта сенняшняй уладзе, бо Вайцюшкевіч не верыць у нейкія змены на будучых прэзідэнтскіх выбарах. Артыст кажа, што ўжо не збіраецца граць на мітынгах кандыдата, як гэта было ў 2006 і 2010 гадах.

- Гэтыя выбары не вызываюць у мяне нейкага энтузіязма, не бачу аргументаў за тое, каб пець на мітынгах. Відаць, я альбо нагуляўся, або не бачу сэнса ў гэтым. Няма зараз той каманды, якая была ў Някляева ў 2010-м, і няма ўжо ў мяне сілаў проста тупа ляцець на амбразуру.

Фото: Станислав Шаршуков, AUTO.TUT.BY

Зміцер зараз хоча скіраваць сваю творчасць на пасіўную частку грамадства, якая жыве "тэлевізарам і агародам". Кажа, што ў Беларусі галоўнае - штосьці рабіць.

- І я веру, што ўсё будзе добра. І не думайце, праз колькі!
-23%
-20%
-45%
-60%
-12%
-30%
-10%
0066429