• Дорога
  • Видео
  • Эксклюзив
  • Автобизнес
  • Новинки / тест-драйвы
  • Происшествия
  • Автоспорт
  • Офтоп
  • Архив новостей
    ПНВТСРЧТПТСБВС
Подпишитесь на нашу ежедневную рассылку с новыми материалами

Происшествия


Арцём Гарбацэвіч, Кацярына Чыстапольская,

За пашкоджанне сваёй жа маёмасці мужчыне пагражае буйны штраф - ад 30 да 50 базавых велічынь, піша Intex-press.

Фота: Кацярына Чыстапольская
Фота: Кацярына Чыстапольская

Сяргей Кусцінскі – сацыяльны працоўны, даглядае свайго сляпога бацьку-інваліда. Каб трохі падзарабіць, мужчына выставіў на продаж каля варотаў свайго дома некалькі ровараў і аўтамабільныя шыны.

– З'явілася магчымасць з'ездзіць у Польшчу ды набыць там танную гуму на колы, – распавядае Сяргей. – Таму вырашыў старую прадаць.

Каля шынаў стаялі і добрыя ровары з цэннікамі. Аднак сваіх пакупнікоў рэчы не дачакаліся – у госці да Сяргея прыйшлі міліцыянты.

– Кажуць, быццам бы паступіла ім нейкая заява, "ад грамадзян", – іранічна ўзгадвае няўдалы гандляр. – I яны прыйшлі разабрацца.

Абвінаваціўшы Сяргея ў гандлі ў недазволеным месцы, праваахоўнікі паведамілі ў лоб: маёмасць яны вымушаны будуць канфіскаваць. Калі спрэчка зайшла ў тупік, уладальнік ровараў абліў іх бензінам і падпаліў – каб нікому не засталіся.

– Я ж не ведаў, што ў нас каля ўласнага дома нічога прадаваць нельга! – абурана скардзіўся Сяргей. – Ровары там ужо тыдзень стаялі, і нічога! На першы раз маглі б проста папярэдзіць – я прыбраў бы і паехаў прадаваць на кірмаш, дзе дазволена. А так…

У той час, калі маёмасць гарэла, візіцёры ў пагонах смяяліся з сітуацыі і здымалі маленькае фаер-шоу на свае мабільныя тэлефоны.

– Было бачна, што нашых праваахоўцаў такая карціна забаўляе, – узгадвае Сяргей, – а я ім на шкоду рабіў, каб міліцыянты назаўтра не каталіся на бясплатных роварах.

Урэшце незвычайнае вогнішча затушыла жанчына-кіроўца, якая спынілася побач. А міліцыянты выпісалі Сяргею позву ў ГАУС. Дзе на наступны дзень паведамілі, што за пашкоджанне сваёй жа маёмасці яму давядзецца выплаціць штраф ад 30 да 50 базавых. У міліцыі сказалі, што напішуць ліст у падатковую, якая вызначыцца з адказнасцю для Сяргея за незаконную прадпрымальніцкую дзейнасць і гандаль у недазволеным месцы.

– Гэта яшчэ ўсё нядрэнна скончылася, – гаворыць Сяргей. – Мне ў міліцыі казалі, што калі сума маёмасці на продажы была б больш за 6 мільёнаў, то мне пагражала б турма.

У міліцыі на здарэнне глядзяць інакш і сцвярджаюць, што Сяргея можна прыцягнуць і да крымінальнай адказнасці:

– Проста папярэдзіць грамадзяніна мы не маглі, па законе ў такім выпадку маёмасць канфіскуецца. Да таго ж гаспадар ровараў не проста вырашыў іх знішчыць, ён зрабіў гэта небяспечным спосабам, што магло справакаваць пажар – у гэтым выпадку таксама прадугледжана крымінальная адказнасць, – патлумачылі "ІР" у прэс-службе баранавіцкага ГАУС

Читайте также:
Собственный конный клуб создала барановичский парикмахер 
В чей асфальт закатают транспортный налог 
Житель Барановичей расстрелял в магазине компьютер

Нужные услуги в нужный момент
-15%
-35%
-13%
-20%
-50%
-30%
-25%
-20%